Узган ел интернетта менә бу эчемлек турында күрдем дә ясап эчтем. Аллаһымның ярдәме белән, файдасы булгандыр дип уйлыйм, үземне ел буе яхшы хис иттем. Шуңа күрә, бал сыек чагында, быел да ясап куйдым.
Аны әзерләү өчен нибары өч әйбер – сарымсак, бал һәм алма серкәсе (уксус) генә кирәк. Аларның катнашмасы күп кенә авырулар белән көрәштә көчле корал булып тора. Астма, гипертония, түлсезлек, җенси көчсезлек һәм хәтта рак авырулары бу тылсымлы дәвалау чарасына каршы тора алмый. Эчемлекнең тәэсире иммунитетны арттыру һәм организмдагы «начар» холестерин дәрәҗәсен киметү белән бәйле. Сарымсак, бал һәм алма серкәсеннән ясалган шифалы эчемлекне ике атна дәвамында даими кулланганнан соң авыруның иң авыр формасы белән чирләүчеләрнең дә хәле яхшыра – бу, иң беренче чиратта, әлеге катнашманың ингредиентлары тәэсиренә бәйле.
Эчемлекне һәркемгә кулланырга ярый, моңа медицина каршылыклары юк. Хәтта бөтенләй сау-сәламәт кешеләр өчен дә бал, сарымсак һәм алма серкәсеннән ясалган эликсир – чын табыш ул. Аны һәр көн саен куллансаң, син үзеңне сезонлы инфекцияләрдән саклап каласың һәм организмның саклану көчен – иммунитетны ныгытасың.
Түбәндәге компонентлар кирәк булачак:
1 чынаяк алма серкәсе;
1 чынаяк бал;
10 тырнак сарымсак.
Сарымсак бүлемтәләрен (тырнакларын) тышыннан һәм эчтәге элпәдән чистартыгыз. Аннары аларны бал һәм алма серкәсе белән бутап, тыгыз ябыла торган банкага салып куегыз. Шифалы эчемлекне суыткычта сакларга кирәк.
Ничек кулланырга:
Ач килеш 2 аш кашыгы күләмендә эчәргә кирәк. Артыннан су, я булмаса чәй кабып куярга була, ләкин бу эчемлекне авыз иткәннән соң 15 минут дәвамында бернәрсә дә ашарга ярамый.
Шифалы эчемлекнең файдасын инде бишенче көнгә үк сизәсең. Хәлсезлек, баш авыртулар бетә, ашказаны эшчәнлеге яхшыра һәм организмның гомуми тонусы әйбәтләнә. Анемия, йокысызлык, астеник синдромнан җәфа чигүчеләргә бу менә дигән дәва!
Язма менә шулай иде "Күңелдә изгелек булсын!" битендә
31 июл 2022 в 21:45
#сгтсәламәтлек #сгтбал #сгтсарымсак
